Blog das actividades complementarias e extraescolares do IES Urbano Lugrís da Coruña
A festa de graduación de 2º de Bacharelato, da promoción 2016-22, tivo lugar o venres 20 de maio no Centro cívico de Os Mallos.
Foi unha festa repleta de discursos, teatro e música, cun momento central de entrega de diplomas. As emocións e o nerviosismo a flor de pel.
Podedes ver un "millón" de fotos neste enlace
O pasado xoves 12 de maio no recreo xogouse a final do torneo de xadrez.
Andrés Otero Rioboo, de 1º de CS de SEA (Sistemas Electrotécnicos e Automatizados), resultou vencedor. Parabéns!!!
Na tarde do martes 10 de maio estivo o escritor Manuel Núñez Singala e a cantante MJPérez , co grupo de 4º ESO.
Ambos falaron sobre o uso do galego utilizando moitos exemplos, historias e metáforas. O alumnado quedouse coa idea de que o galego está moito máis presente no mundo do que pensara previamente, e tamén con que non é preciso elixir un só idioma, o galego ou o castelán, senón que se poden utilizar ambos.
Temos un pequeno vídeo do encontro no que se escoita a MJ Pérez:
O torneo de xadrez deste curso acabou xa a quinta ronda do torneo de xadrez. Desta volta cambiouse o lugar tradicional pola aula 112 os martes e xoves.
Moitas grazas ao alumnado e profesorado participante!!!
Para a próxima semana xogaranse o playoff final.
O martes 10 de maio será a semifinal, na que xogarán entre si os catro mellores participantes. Cada parella dúas partidas, unha con da cor. Se hai empate, pasa o mellor clasificado despois das 5 rondas.
Andrés Rioboo (1º SEA) contra Ariel Canario (1º Bach)
Santiago Ruiz (profe) contra Hugo Costoya (2º Bach)
E o xoves 12 de maio será a final entre os dous gañadores da semifinal 👏👏👏🏆
