Guiando pola exposición Océano Lugrís

O pasado martes 4 de xuño foi un día intenso para o alumnado que se estivo formando durante gran parte do curso -baixo a batuta de Cristina de la Torre- para facer a visita guiada polos sete módulos que conforman a exposición Océano Lugrís que temos no centro desde o 2014-15.

Primeiramente recibimos ao alumnado de 6º primaria do CEIP Sagrada Familia, que o curso que vén será alumnado do noso centro. Alumnado de 1º ESO B amosoulles en grupo as principais espazos do centro relacionados co aspecto académico e a continuación o alumnado que se formou co contrato programa Innova (Eduexcelencia) o Océano Lugrís.

 

E non acabou aquí a cousa, posto que logo chegou alumnado do IES Rafael Dieste (axudantes de biblioteca), ensinóuselles a exposición completa e logo foron en bus ata o castelo de San Antón e outros lugares de Coruña relacionados co pintor Urbano Lugrís. 

En honor a Luísa Villalta (Aulas en feminino)

O pasado martes 28 de maio tivo lugar un precioso acto no que participou alumnado de 4º ESO e 1º Bacharelato en homenaxe a Luísa Villalta. 

A profesora de Economía Montse Dopico, e autora de "Abonda con vivir", guiou o acto, facéndolle  unha entrevista á profesora de música Beatriz López-Suevos, quen foi compañeira de Luísa Villalta no IES Isaac Díaz Pardo de Sada, e completando ao final cunha charla sobre ela. 

No acto tamén participou alumnado de 4º ESO. Miao Chen tocou varias pezas ao violín acompañada de Beatriz López- Suevos ao piano. Foron pezas musicais que lle gustaban a Luísa Villalta, que era moi boa violinista. E así mesmo houbo un pequeno recital de poemas da autora homenaxeada. 

Acabamos o acto inaugurando unha aula en feminino (a 201) co nome de Luísa Villalta. 

Erasmus+: Job Shadowing en Helsinki

 Este curso, do 15 ao 19 de abril, o noso centro participou nun programa Erasmus+ do CFR de A Coruña, consistente nun Job Shadowing en tres centros educativos de Helsinki.

Participamos xunto con outros 14 profesores/as da provincia de A Coruña.

Coñecimos o sistema educativo finlandés por medio de presentacións, visitas e percorridos con alumnado de cada centro e asistencia a clases de distintas materias. 

Puxemos en común as estratexias organizativas e educativas de cada un dos nosos centros e fixemos  comparativas cos de Finlandia.

No seguinte enlace tedes máis información:

https://docs.google.com/presentation/d/17TtGgrwHRmtWHOF0tg869XmtNFuVvbBCNr_p_IiKUZA/edit#slide=id.g2d1ff77b3c5_0_0

Actividades do terceiro trimestre

 No terceiro trimistre, comezamos as actividades extraescolares coa tradicional visita de 4º de ESO ao rocódromo de Riazor

Recibimos charlas informativas sobre o programa PILABOT

Ademáis, o alumnado de 4º ESO participou nunha actividade de danza

Final de xadrez con Edda Beltrán (e Aula en feminino)

O pasado mércores 20 de marzo tivo lugar a semifinal do torneo de xadrez do centro, o máis exitoso de participantes dos últimos anos. 

Estivo acompañándonos Edda Beltrán, xadrecista recoñecida e ex-profesora do noso centro hai moitos anos. 

Edda Beltrán deu unha charla, xogou ao xadrez con algúns rapaces e inaugurou un taller en feminino (Taller 18, a aula de tecnoloxía).

Foi un pracer tela entre nós. 

ACTIVIDADES CURSO 23-24

 Resumo das actividades levadas a cabo nos primeiro e segundo trimestres do curso 2023-2024:

No presente curso tivemos varias actividades coma, por exemplo, o 17 de outubro unha charla online en 2º Bacharelato sobre saúde mental con Miguel Ángel Muñoz.

O mércores 25 de outubro o profesorado de Ciclos participó en Galicia Skills.

Entre outubro e novembro, varios grupos de ESO e de Bacharelato visitaron a exposición "Symphony" nos Xardíns de Méndez Núñez.

En novembro tivemos unha andaina contra a violencia de xénero, unha performance polo 25 N, a participación no Concurso Galego de Robótica, a asistencia ao concerto da Banda Aldaolado, unha saída a Cabo Ortegal, Charlas sobre acoso escolar, visita á DOMUS, unha charla sobre o Parlamento por parte de exdiputadas e unha actividade de Emprendemento no Papagaio.

En decembro o departamento de Relixión organizou unha saída a Betanzos, o Club de Ciencia foi a Xanceda, o alumnado bilingüe visitou o Planetario, houbo unha saída a presenciar os ensaios da OSG no Palacio da Ópera, en Ciclos visitaron Muditel.

Visita a Ourense por parte do alumnado de 1º BACH:

Asistimos ao teatro en francés:

Despedida 4º ESO

 

O martes 21 na tarde celebramos unha entrañable despedida do alumnado de 4º ESO no Salón de actos do centro. 

Nel houbo simpáticos e emotivos discursos (Antón, Karima, Heylin e tamén a directora), vídeos e entrega de diplomas. 

O acto estivo magnificamente  organizado polo propio alumnado de 4º ESO, o cal non quixo deixar pasar  a ocasión para despedirse dos compañeiros e compañeiras que se irán a estudar algún ciclo medio ou a outros centros. 

Que vos vaia moi ben!